Aramaioko udalerriko 8 poligonoko 142 B lurzatian, lurzoru urbanizaezinean, 81 metroko garaiera izango duen dorre baten bidez haizea neurtzeko estazio meteorologikoa instalatuko dute, interes publikoaren adierazpenaren espedientearen barruan. Modu horretan neurketak egingo dituzte, eta horren arabera eolikoak jarri edo ez erabakiko dute.
Bada, berri horren aurrean, Aramaioko Udalak bilera irekia deitu du gaurko. Egoera zein den azaldu eta ahal den neurrian argibideak ematea izango da helburua. Bilera 18:30ean izango da, kultura etxean.
