Arlaban mendatearen inguruan haize-neurketak egiteko lizentzia eskatu du Aixeindar sozietateak (Energiaren Euskal Erakundea %40a, eta Iberdrola %60a), Aramaion parke eoliko bat eraikitzeko asmoarekin.
Arabako Boletin Ofizialean, gaur, astelehena, eman dute txostenaren hasierako pausoaren berri. Horrela, urbanezina den Aramaioko lurretan, 81 metroko dorre bat eraikitzeko prozesua martxan jarri nahi dute. Dorrea, kable bidez mantenduko da zutik, eta ez du zimentazio beharrik izango. Arabako Diputazioan alegazioak aurkezteko 20 eguneko epea egongo da.
Araban, dagoeneko, bi parke eoliko daude martxan. Elgea-Urkilla mendizerran bat, eta Badaian bestea.