Astelehenean ospatuko den Emakumeen Nazioarteko Egunaren harira egitarau zabala prestatu dute. Ekitaldi nagusia asteleheneko manifestazioa izango da: 18:00etan, kultura etxean.
'Zineziklofeminista'
Nabarmentzekoa da zinemak hartuko duen presentzia. Izan ere, Zineziklofeminista-ren barruan, hiru film eskainiko dituzte: horietako lehena domekan, martxoaren 7an, eskainiko dute: Retrato de una mujer en llamas, kultura etxean, 19:00etan. Martxoaren 14an, Carmen y Lola filma eskainiko dute, kultura etxean, 18:45ean; eta martxoaren 27an, Papicha filma, kultura etxean, 19:00etan.
Kafea eta zinema
Hiru film horiez gain, martitzenean, martxoaren 9an, zine-kafe emanaldia egongo da kultura etxean: 18:00etan, kafea hartuko dute, eta 18:30ean, La boda de Rosa filma ikusiko dute.
Martxoaren 13an, Tuppersex eta ipuin erotikoak emanaldia eskainiko dute Virginia Imazek eta Inma Merinok, 10:30ean; eta martxoaren 18an, Ama-alu-lur sorgin baten ametsak antzezlana eskainiko dute, kultura etxean, 19:00etan.
