Arabako Foru Aldundiaren baso-laguntza eskaera egiteko epea irekita dago. Hori kontuan hartuta, Arabako Basogintza Elkarteak zerbitzu berezia eskainiko du. Aldundiko laguntzak eskatzeko interesa dutenek erabili ahal izango dute zerbitzua.
Zein egunetan
Udaletxean egongo dira Basogintza Elkartekoak, eguenetan; hain zuzen, urtarrilaren 14an, 21ean eta 28an; eta, otsailaren 4an eta 11n. Ordutegia: 9:30etatik 15:00etara.
Aurkeztu beharreko dokumentazioa da:
- N.A.N. fotokopia.
- Bankuaren datuak.
- Katastroko lursailen erlazioa –eguneratua– edo eskrituren fotokopia.
- Eskatzailearen helbide fiskala Arabatik kanpo egonez gero, interesatuak zerga-betebeharrak kitatuta dauzkala adierazten duen ziurtagiri eguneratua aurkeztu beharko du.
Osasun egoera dela eta, aurrez hitzordua eskatu behar da 945 89 20 34 telefono zenbakian.