Ohiko Gabonak izango ez diren arren, ohiko egitarauan jaso izan diren beste hainbat ekintzak ere izango dute lekua aurten. Etxeko txikienei zuzendutako ekintzen kasuan, urtero antolatu izan dituzten ekitaldiekin aurrera egitea erabaki dute.
Tailerrak
Umeendako bi tailer antolatu dituzte: abenduaren 28an Olentzero egiten ikasiko dute, kultura etxean, 12:00etan. 4 urtetik gorako haurrendako izango da, eta izena eman beharko da ludotekan abenduaren 22a baino lehen; bigarren tailerrean Gabonetako apaingarriak egingo dituzte. Kultura etxean izango da, abenduaren 30ean, 12:00etan. 4 urtetik gorakoendako, eta ludotekan eman beharko da izena abenduaren 22a baino lehen.
Ixabel Agirresarobe ipuin kontalaria
Abenduaren 29an, umeei zuzendutako antzerkia eskainiko dute kultura etxean: Oparia. 17:00etan izango da. Abenduaren 31n, eguena, Ixabel Agirresarobe ipuin kontalaria izango da kultura etxean. Bi saio eskainiko ditu: 11:30ean, 3 eta 5 urte bitarteko umeendako; eta 12:30ean, 6 urtetik gorakoendako.
2021eko urtarrilaren 4an, puzgarriak jarriko dituzte kiroldegian, txikienen gozamenerako. 16:30ean izango dute hitzordua.