Gorbeialdko kuadrillak abiatutako kanpainaren arabera, androzentrismoa "ez da soilik ikuspuntu maskulinoan oinarritutako mundu-ikuskera"; androzentrismoa, gizonak gauza guztien erdigunean kokatzeko ikuspegia da, eta onena, posible bakarra eta unibertsala dela jotzen da.
Androzentrismoak, begirada maskulinoari balioa eta onarpena ematen diola gaineratu du eskualdeko berdintasun teknikariak, gizonentzat ona dena gizadiarentzat ona dela nabarmenduz. "Gauzak garrantzitsuak, onak edo txarrak izango dira, gizonen begirada partzialaren arabera", dio.
"Ikuspegi maskulinoa mundua definitzeko aukera on bakarra izatea, gizonak gizateriaren ordezkariak bihurtzen ditu. Androzentrismoa, beraz, matxismoa da", aldarrikatu nahi izan dute bosgarren ilustrazio horrekin.
