Gorbeialdeko Kuadrillak egindako kanpainaren hirugarren gaia emakumeak historiatik ezkutatu izana da; eta, hain zuzen, ideia hori ilustratzen du Elisabeth Perez margolariak.
"Emakumeak ezabatu egin izan dira, historia haien existentziarik gabe posible izango balitz bezala", azaldu du Gorbeialdeko Berdintasun teknikariak. Gizonei buruz ematen den irudia garrantzitsua dela dio, eta emakumeena aldiz ez dela existitu ere egiten. Gehitu du: "Emakumeak ikusezin bihurtzea emakumeen diskriminazioa da, eta emakumeen diskriminazioa indarkeria matxista da".
