Udalaren webgunean dago inkestarako sarbidea; galderok jasotzen ditu inkestak:
- Zure ustez, momentuko egoera kontutan hartuta, jaiak antolatu behar dira?
- Zerbait antolatzen bada, prest egongo zinateke osasun zerbitzuak zehazten dituen neurriak mantentzeko (bi metroko distantzia pertsonen artean, ekintzetan jarrita egotea,…)?
- Ulertuko zenuke, aforoa zaintzeko, ekintzaren batean kanpoan geratzea?
- Hau guztia kontutan hartuta, zer motatako ekintzak antolatuko zenituzke?
- Beste zerbait bururatzen zaizu Aramaioko jaiak bereziak izan daitezen?
Jaiek, izatekotan, egoera berrira egokituta izan beharko lukete.
Herritarren iritziaz gain, taldeen eta auzoetako ordezkarien iritzia (auzoetako jaiekin zer egin erabakitzeko) ere ezagutu nahi du Udalak, eta bilerak egingo ditu ekainaren 8an, 17:00etan aurrenekoekin eta 18:30ean bigarrenekin, udaletxean –presentzialak izango dira, neurriak errespetatuta–.