Udalak jakinarazi du auzo-konpotaje guneak "modu egokian" ari direla funtzionatzen: "Beharrezko mantenua eta kontrola egiten da, eta erabiltzaileei konpostajea ondo egiteko aholkuak bidali zaizkie".
Hona hemen, horietako batzuk: konpostagailua irekitzerako orduan eskularruak erabiltzea gomendatzen da, baita tresnak erabiltzeko ere (aireztatzailea...); auzo-konpostaje gunera joan aurretik eta ondoren, eskuak ondo garbitu eta aurpegia edo sudurra ukitzea saihestu; hondakin organikoak eramateko kuboa garbitu, bereziki heldulekua.
Antzerako jarraibideak hartu behar dira kontuan etxeko konpostajearen kasuan. Udalak adierazi du lortutako konposta erabiltzeko eragozpenik ez dagoela, ez dagoela arriskurik.
Kontuan izan behar da tenperatura altuak birusaren etsai direla, eta konpostaje prozesuan 55 graduko tenperaturara iritsiz gero, birusa desagertu egingo dela, Udaletik azaldu dutenez.
