2017ko urrian aurkeztu zuen Aramaioko Udalak bide publi-koen inbentarioaren lehen fa-seko emaitza, eta bi urte geroa-go, hirugarren fasea burututa, lanaren zati handiena amaituta dagoela azaldu du Lierni Altunak: "Honek ez du bukaerarik. Herri zabala da hau, bide asko ditue-na; etengabeko gauza izan behar da hau, baina, horrelako forma-lidadearekin, bloke handiena jasota geratu da. Orain egin nahi duguna da, egindako lanarekin, ahal duguna eta dakiguna ka-tastroan ondo jarri".
Udalaren jabetzakoak diren bideak zerrendatu dituzte, beraz, inbentarioan; eta, hirugarren fase honekin, lanaren zati han-diena egina omen; hala ere, alkatearen ohartarazpena: "Ho-nek ez du esan nahi inbentarioan ez dagoena publikoa ez denik: izan daiteke jasota ez egotea...".
Inbentarioaren hirugarren faseko dokumentazioari aho batez eman zion udalbatzak ha-sierako onarpena irailaren 26ko osoko bilkuran. Orain, udale-txeko bulegoan dago ikusgai, eta baita udalaren webgunean ere; abenduaren 10era arte egin daitezke erreklamazioak.
46 bide gehiago
Jon Ugartek 1997an egindako lana oinarritzat hartuz, Sendo enpresarekin jardun du Udalak herri bide garrantzitsuenen in-bentarioa egiten. Hogei urtean, bideek hainbat aldaketa izan dituzte: berriak zabaldu, ibilbi-deak aldatu, obren eraginez desagertu...; inbentarioak orduan jasotakoa eguneratu du, beraz.
Horrekin batera, ortoargazkiak eta mapa digitalak erabiliz, bi-deak berriro marraztu dituzte; eta bide bakoitzari fitxa egin diote, datuokin: non dagoen, luzera, zabalera, zoru mota, ja-betza, erabilera baldintzak...
Lehen zirriborroa egin ondo-ren, auzo alkateei eta interesa zuten herritarrei aurkeztu die-te inbentarioa, haien ekarpenak jasotzeko. Hirugarren fase ho-netan helegiterik baden ikustea falta da orain, zuzendu beharre-koak zuzendu eta udalbatzak behin betiko izaeraz onar dezan.
Orain arte Aramaioko 149 bide zituen jasoak inbentarioak –150 kilometro–: auzo sareko hamar bide, 41 baserri bide eta 98 baso bide. Hauei beste 46 batu zaizkie orain: auzo sareko lau eta 42 baso bide, 795 metro eta 27,640 kilometro, hurrenez hurren.
Horiez gain, 11 zuzenketa ere proposatu dituzte fase honetan: "Zuzenketen zergatia ikerketaren sakontasunak ekarririko traza aldaketetan oinarritzen da, ba-tez ere: bideren batzuk luzatu edo laburtu dira, eta kasuren batean izena ere aldatu zaie".
