Kasatxoko bazkide batzuk jakinarazi dutenez, norbaitek elkartearen inguruan dagoen lur publikoko 12 arbola hondatu ditu, motozerrarekin. Aramaioko Udalak "gogor salatu" gura izan du ekintza hau eta dagokion salaketa ere jarri du Ertzaintzan, "beharrezkoak diren gestioak egin daitezen eta hondamendiaren arduradunak identifikatu".
Horrez gain, horrelako ekintzen aurrean, "zentzuz" jokatzea eskatzen du udalak: "norbaitek gai honen inguruko informazioa badu, abisua eman. Eta horrelako ekintzarik egiten ikusiz gero, edota egiteko asmoa duen norbait sumatuz gero, abisua eman eta geldiarazteko eskatu".
"Urte asko dituzte arbola hauek eta zentzugabekeri honen ondorioz bat edo beste hil egingo da seguruenik. Ezin dira horrelako portaerak onartu, natura guztiona da, gu naturaren parte gara, eta ezin ditugu zentzugabeko umekeri lotsagarri hauek onartu", azaldu du udalak webgunean.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
