AHTaren lanetako mantentze kontratua: zehaztasunak

Julen Iriondo 2019ko ots. 21a, 14:10

Aramaioko Udalak eta Adifek batzarra egin dute, eta zehaztu dute ze lan egingo dituzten herrian aurre-mantentze kontratu deitu dutenaren barruan. GOIENAren aurreko asteko zenbakian, Lierni Altuna alkateak zioen Udalak ez zuela kontratu horren barruan udalerrian egingo zituzten lanen zehaztapenik; hitz horiek egin eta ordu gutxira izan zen aipatutako bilera eta lanen baieztapena. 

Zabolako saneamendua konponduko dute; Cuatrovientos baserrira doan bide publikoaren zati bat ere bai –obran apurtutakoa–; eta Zabola eta Untzilla arteko bidea. Azken horri dagokionez, presazko neurri bezala tarte batzuetan zabaldu egin zuten bidea, Arrasaterako bidean lur-jausia gertatu zenean. Baina puntu batean jausten hasia dago, urak ez zirelako ondo hartu. Eustehorma egingo dute han.

Erlazionatuak

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak