Eskolako konpostaje gunea martxan jarri dute aste honetan

Argazkia: Aramaioko Udala.

San Martin eskolako konpostaje gunea martxan jarri du Udalak aste honetan, eskola atzealdean konpostagailu bat eta egituratzailea pilatzeko kaxoi bat jarrita. Eskolako irakasleei formakuntza eskaini ostean, gela bakoitzean eta jantokian hondar organikoak gaika jasotzeko kuboak banatu dira, eta aurrerantzean, irakasleen eta ikasleen ardura izango da banaketa egitea.

Bi helburu ditu horrek: hondakin organikoak bertan kudeatuta ingurumenari mesede egitea eta ikasleei, txiki-txikitatik, ingurumenarekiko jarrera arduratsua izatera bultzatzea. Oraingoz, soilik eskolan sortzen diren hondakin organiko gordinak kudeatzen hasiko dira, eta datorren ikasturtera begira, beste aurrerapauso bat emateko aukerak aztertuko dituzte –jantokiko hondakinak, adibidez–.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.