Goizean kalejira egin ondoren, dantza saio jendetsua egin dute eguerdian frontoian: jendetsua publikoari dagokionez, eta baita dantzan zenbat lagun ibili diren aintzat hartuta ere; izan ere, 60 urteotan taldean ibilitako denak zeuden gaurkora deituta. Aramaioarrekin batera, Lapurdiko Zuraideko dantzariak ere ibili dira –senidetuta daude bi herriak–. Ospakizunak arratsaldean du jarraipena.
Frontoian batutako herritarrek gogo handiz jarraitu dute Lagun Artean dantza taldeak 60. urtemuga duela-eta gaurkorako antolatutako saioa, eta txaloz eskertu dute dantzarien lana, uztailetik hona prestatzen ibili direna.
Omenaldi bat ere izan da saioaren barruan: iaz arte txistulari ibilitako Patxi, Joakin eta Juan Joxe Aiastui eta Bixente Mondragon omendu dituzte. Horrez gain, dantza taldeko arduradun Ainara Inuntziagari ere txalo zaparrada beroa eskaini diote egindako lan denagatik.
Saioaren ostean bazkaria egin dute frontoian bertan 150 lagun inguruk.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
