Zeferino Gartziarena: mediku euskalduna baino gehiago

Indalezio Ojanguren eta Zeferino Gartziarena.

"Mende erdia eman zen  duela bi urte Gartziarena hil zela baina oraindik ere gizon haren irudiak indarrean segitzen du aramaixoar askoren baitan", dio Josemari Velez de Mendizabalek gaurko kontakizunean. Izan ere, gaur egun moduan, 1900. urte hasieran medikuen euskalduntasunarekin borrokan ziharduten, harik eta Gartziarena izendatu arte. 48 urtez jardun zuen hark aramaioarren osasuna eta bestelako gaitzak zaintzen. 

1918. urtea iritsi behar izan zen Aramaioko alkateak euskarari lehentasuna emateko mediku hautagaia aukeratzeko orduan. Aramaiok izan zuen lehen alkate abertzalea izan zen Benito Jauregi jeltzalea. Eta hari esker iritsi zen, hainbat gorabehera tarteko, Gartziarena mediku postura.

Medikua baino gehiago

Mutiloatik joan zen Aramaiora lanera Zeferino Gartziarena. Eta "lan itzela egin behar izan zuen. Mutiloan baino biztanle gehiago edukitzeaz gain Aramaioko auzoak oso barreiatuta daude eta horrek, garai hartan, medikua egunaren tarte luzez etxetik kanpo egotera behartzen zuen. Oleta ezik, gainerako auzoak bisitatu behar zituen eta egunero goizeko 6etan ateratzen zen etxetik bere betebeharren premian zeudenenganaino heltzeko. Oinez egiten zuen bidea, oraindik ere argi ikusten dugun ohiko bere janzkera harekin: polainak, media kainako botak, kapela euri-oihalekin eta eskuan farola. Duela mende oso bateko itxura harekin oroitzen dugu Zeferino Gartziarena, Aramaioko edozein baserritarantz abiatzeko beti prest".

Laburbilduz, 06:00ak geroztik auzorik auzo, eguerdian erdigunean, eta siestaren ondoren (uzten bazioten) goizez lanera joaten zirenei arreta ematen. Halakoxea izan zen Zeferino Gartziarenaren jarduna Josemari Velez de Mendizabalek bere blogean gogora ekartzen duen moduan.

Kontakizun osoa Hots Begi Danbolinak blogean, beraz. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.