LH-ko ikasleen Zuhaitz Eguna egun bat atzeratu zen eguraldi iragarpenengatik eta apirilaren 4an joan ziren San Adrian baseliza ingurura: "Oso ekintza aberasgarria eta didaktikoa da eurendako, hori esan didate eskolako arduradunek", adierazi du Udaleko Tokiko Agenda 21eko teknikari Jon Toñak.
Hainbat pago eta hagin landatu zituzten eta gero ederto gozatu zuten Udalak emandako hamaiketakoarekin. Koldo Ajuria basozainak egun bat lehenago utzi zuen dena gertu eta Martin ere Ibabe basoetako zinegotzia egunean bertan egon zen ikasleekin, landaketarako azalpenak ematen.
Gazteenak, eliza ondoan
HH-ko ikasleak, berriz, astelehenean, hilak 7, irten ziren San Martin eliza ondoko zelaitxoan gladioloak landatzera: "Oso gazteak dira eta asko ez dira konturatzen baina eurendako ere oso dibertigarria dela diote irakasleek", dio Toñak.