Goi mailako bertsolariak gaur Aramaion, txapeldunaren presentzia eta guzti

Amets Arzallus txapelduna BECen, azken agurra abestear.
Gabonetako programazioaren barruan azken urteetan hutsik egin ez duen ekintza da bertso eskolak eta Udalak elkarlanean antolatzen duten bertso saioa. Bertso eskolako kideak irailean hasten dira saioan parte hartuko duten bertsolariak lotzen. Gaur izango da, hilak 27, kultura etxean (19:30).

Amets Arzallus txapeldunaren presentziak berezia egingo du saioa; hendaiarrarekin batera Unai Iturriaga eta Xabier Silveira egongo dira. Herriko ordezkaritza Paula Amilburuk osatuko du: "Puntako hiru bertsolariz gain, herriko bat gonbidatzen dugu beti", diote antolatzaileek. Gai jartzaile lanetan Manex Agirre eta Xabi Igoa arituko dira. Sarrera leihatilan bertan erosi ahalko da, bost eurotan. 

Erlazionatuak

Ordu laurdenean amaitu dira Oñatin Errege bezperako bertso saiorako 250 sarrerak

Oñati 1

Txokolateixiak goizeko 10:00etan ateak ireki dituenerako 60 lagun zeuden ilara egiten, 9:00etan joanda lehenengoak. Ilarakoen artean saldu dituzte ...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.