Asiako liztorraren Arabako lehen habia aurkitu dute Aramaion

Goiatz Arana Begiristain 2013ko urr. 10a, 13:40

Atzo goizean –eguaztena– topatu zuten Aguraingo suhiltzaileek eta desegin egin zuten segituan; bigarren bat aurkitu zuten ondoren eta hura deuseztatzeko lanei ekin zieten berehala. Araban ez dute lehenago inoiz halakorik topatu, Aramaiokoa da lehena; iazko irailean espezie horretako liztorren presentziaz ohartarazi zuen Diputazioak inguru horretan, baina habiarik topatzeke zeuden atzora arte.

Horrelakoetan egin ohi duten legez, suhiltzaileen parkera eraman zituzten habiak, erresistentzia handiko zakar poltsetan eta kartoizko kaxetan sartuta; parkean erabat suntsitu ohi dituzte, kontrolpeko erreketa baten bitartez.

Asiako liztorraren habia kartoizko kaxa batean sartzen.

Ingurumen arrazoirengatik hartzen dituzte neurri horiek Asiako liztorrarekin (liztor inbaditzailea edo Vespa Velutina), baita jendea ibiltzen ez den inguruetan azaltzen diren kasuetan ere.

Metro inguruko tamaina izan ohi dute habia horiek eta sarrerarako zulo bakarra; zulo horretatik pozoia sartu eta erabat ixten dute, liztorrak atera ez daitezen.

Suhiltzaile bat liztor inbaditzailearen habia bat erretiratzen.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak