Urtero moduan, bi talde egingo dituzte: hilaren 19an Lehen Hezkuntzako ikasleek egingo dituzte landaketak eta egun bat geroago, berriz, Haur Hezkuntzako ikasleen txanda izango da.
Hainbat zuhaitz mota
LHko ikasleak autobusa hartu eta Kurtzeta ingurura igoko dira, landaketak bertan egiteko. Zuhaitz mota desberdinak landatuko dituzte: gogortxoak (viburnum tinus), bertako eta Indiako gaztainondoak (Aesculus hippocastanum) eta serbalak (Felis serval), besteak beste.
Landaketen ostean, Udalak ordaindutako hamaiketakoa egingo dute. Hilaren 20an, berriz, HHkoen txanda izango da. 09:00etan hasita, gladiolo eta lore-ezpatak landatuko dituzte herriko lorategietan eta gero hamaiketakoa egingo dute. San Martin eskolako arduradunen arabera, haurrak "oso gustura" aritzen dira zuhaitzak landatu eta basozainaren azalpenak entzuten.