36ko gerrak Aramaion izan zuen eragina erakusten saiatu dira AOBTkoak baina helburu nagusia da gaian aztertzen jarraitzeko lantaldea sortzea. Bada, erakusketaren aurkezpenean ikusitakoarekin, espero dute lantalde hori sortuko dela: "Hiru pertsona etorri dira bestelako eginbeharrek uzten dieten heinean lagunduko dutela esanez".
'Lurgorri'-ren iloba, bertan
Atzo bete ziren 74 urte Jose Mari Azkarraga Lurgorri erail zutela. Hondarribikoa izan arren lotura handia zuen Aramaiorekin. Idazle ona eta iraultzailea, Aramaioko EAJn sartu eta Amaiur batailoiko kidea izan zen. Bada, aurkezpenean Lurgorri-ren iloba egon zen eta hunkituta esker onak eman zizkien antolatzaileei.