Egitarauak ez du aldaketarik izango. Soketatik tiraka igoko dute tantaia herritarren artean; eta ondoren, Oinarin dantza taldekoek San Juan zortzikoa eta soka dantza plazaratuko dituzte. 22:00etan piztuko dute San Juan sua, baina ohi baino txikiagoa izango da.
Auzo eta baserrietan piztu ohi diren suei dagokienez, Udalak gomendatu du, ahal den neurrian, su horiek ez egitea, gerta daitezkeen suteak saihesteko. Suteren bat piztea erabakitzen bada, kontu handiz ibiltzeko eskatu du Udalak, beharrezko segurtasun-neurriak hartzeko eta amaieran erabat itzalita geratzen dela ziurtatzeko.