Hark azaldu duenez, abesbatzako kide izateko baldintza bakarra kantatzeko gogoa izatea da: "5 eta 13 urte bitartekoei begirako apustua egin dugu. Ez da beharrezkoa musika-ezagutza jakin bat izatea, belarriz ere ikasten baitute. Helburua abesbatzen talde-kultura transmititzea da, eta haurrek ahots-teknika lantzea, ahots-arazoak hobetzeko lagungarria baita".
Taldeak jendaurreko saioak egin ditu jada, Arimen Gauean eta Gabonetan abestuta. Beste pauso bat emango dute ekainaren 7an, 17:00etan eta 18:30ean, Seminarixoan, Bergarako beste 50 neska-mutilekin batera Erraldoi berekoia musikalean parte hartuta. Entsegu orokorra egingo dute domeka honetan, 12:00etatik aurrera, Torresoroa aretoan.