Hamabi lagun elkartu ziren atzo arratsaldean egindako lehenengo Korrika batzordean. Dagoeneko zehaztuta dauden nondik norakoen berri jakin zuten bertaratutakoek: leloa, omenaldia jasoko dutenak, ibilbidea... Eta herri mailan egin daitezkeen ekintzak eta ideiak proposatu zituzten.
Momentuz, martxoaren 27an Korrika Txikia egitea adostu dute, Antzuolako Herri Eskolak antolatuta. Korrika Kulturalarekin lotutako ekintzaren bat egiteko asmoa ere badute, "antzerki edo kontzerturen bat".
Korrikarekin lotutako egitarauari forma emateko batzar gehiago egingo dituzte. Hurrengoa, urtarrilaren 28an, 18:00etan, Olarango bigarren pisuko areto nagusian.
Martxoaren 28an, goizeko 07:07ean iritsiko da Korrika Antzuolako lurretara.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.