Hamabost kilometroko lasterketa izan ohi da Donostiako Salto 15K proba, eta 46 minutu eta 24 segundo behar izan zituen Ekain Larreak atzokoan ibilbidea egiteko, lehen postua erdietsita; Jean Francoise Notebaert eta Aitor Etxeberria sailkatu ziren ondoren, hurrenez hurren. Bien bitartean, Skyrunning txapelketako azken lasterketan izan zen Ibai, Asturiasen, eta zilarrezko domina eskuratu zuen 23 urtez azpikoen kategorian; zehazki, ordubete, hemezortzi minutu eta 58 segundo behar izan zituen 17,5 kilometro eta 1.100 metroko desnibela zuen lasterketa egiteko, Tom Spencer garaileak baino 56 segundo gehiago.
Herenegun, berriz, Aimarrek, anaia zaharrenak, lortu zuen garaipena, Aldapegora lasterketa laburrean, 15 kilometrokoan, Elorrion (Bizkaia), 1:14:39ko denborarekin.