Uztailaren 13an, zapatua, egingo du Landatxope jubilatuen elkarteak urteroko bazkaria, eta astelehen eta martitzenean, ekainaren 30ean eta uztailaren 1ean, eman daiteke izena, elkartean bertan, 16:30etik 18:00etara.
Eskolako patioan izango da bazkaria, eta honako hau izango da menua: entsalada, onddo-saltsaz betetako orri-mamiak, arrainez betetako piperrak, bakailaoa piperradarekin, txahal biribilka, limoizko sorbetea eta goxoa. 15 euroko prezioa du txartelak, eta edaria eta kafea ere barne daude.
Bazkalostean, bazkariko nagusienei, emakume eta gizonezko banari, zapia banatuko diete, eta dantza-saioa izango da, ondoren.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.