Joera hori zergatik izan daitekeen galdetuta, erantzun du faktoreetako bat izan daitekeela "lagun taldeetan liderrek gehiago markatzea hizkuntza portaera beste batzuek baino".
Ingeniari elektronikoa lanbidez, "sarri" egiten duen akats bat ekarri du gogora: "Norabait joan eta itxuraz euskalduna ez den norbaiti lehen hitza gazteleraz egitea, baina, agian, euskalduna da".
Hikan sakontzera
Ahobizi-a izango da aurten ere, eta, nobedade gisa, hika jardungo du. Hizkera horrek badu berezitasunik: "Badu zerbait pertsonala, zeren eta batzuekin bai, baina beste batzuekin ez zait irteten, adina delako, konfiantza, edota generoa...". Horri tiraka, "normalean hika mutilekin" egiten duela adierazi du, eta ez horrenbeste neskekin, "nahiz eta txikitan amarengandik entzuten hasi eta arrebarekin ere hika erabili".
Beraz, aurtengo Euskaraldia "hesi hori apurtzeko" ondo etorriko zaiola espero du. "Hitanoaren gramatikari emango dizkiogu zartada batzuk, askotan adineko jendearengandik errieta txiki batzuk entzuten ditugu eta. Hala ere, inportanteena hobetzen saiatzea da. Ea hika egunerokoan gehiago txertatzen laguntzen duen ariketak. Ingo jonau!".
