Martxoaren 1ean ospatuko dituzte Inauteriak Antzuolan, eta Udalak salgai jarri ditu bazkarirako txartelak, Entradium plataforman: ohiko menuak – gildak, patatak txorizoarekin, saiheskia brasan eta pantxineta, kafea eta likorea barne– eta beganoak –gazpatxoa eta humusa, txanpiñoiak, seitan eta piper gorriak, gazta, menbrilloa eta intxaurrak, kafea eta likorearekin– 23 euroko prezioa du –ikasle eta gazteenak, 18koa–; 2-14 urte artekoenak –makarroiak, txitxi-burruntzia eta browniea–, berriz, 14 eurokoa.
14:30ean izango da bazkaria, pilotalekuan, baina txartela erosten dutenek konpromisoa hartu behar dute mahaiak jartzeko eta jasotzeko; 11:00etarako egin dute deialdia.
Dantza-entseguak
Dantza-saioa egingo dute egun berean, eta Oinarin dantza taldeak iragarri du dagoeneko hasi direla entseguak: astelehenetan izaten dira, 19:00etatik 20:00etara, Torresoroan.
