Antzuolar ugari gerturatu dira Zurrategi plazako kioskoan eskaini duten kontzertura kalejira eta gero. Batzuk tabernen terrazetako erosotasunetik ikusi dute kontzertua; beste batzuek, lehen ilaretatik. Eserlekuetan erritmoari eutsi ezinik egon dira asko eta txikienek dantza egiteko eta guzti aprobetxatu dute momentua. Pieza bakoitzaren amaieran, txalo zaparrada izugarriak jaso ditu bandak.