Aurten uztailaren 18tik 21era bitartean ospatuko dira herriko jaiak, eta egubakoitzean, uztailak 19, ospatuko da Kuadrillen Eguna, urtero bezala. Egun horretako bazkarira joan nahi dutenek dagoeneko eskuragarri dituzte txartelak hemen.
Helduendako ohiko menua edo beganoa dago aukeren artean, 22 euroren truke –ikasleek 18 eurotan erosi ahalko dute–. Eta 2 urtetik 14 urte bitartekoendako menuak, berriz, 12 euro balio du. Uztailaren 12a izango da Kuadrillen Eguneko bazkarirako txartelak erosteko azkenengo eguna.
Jai Batzordea martxan da
Aurten ospatuko diren jaietan ere adin eta gustu guztiendako herritarrendako aukera egon dadin, dagoeneko Jai Batzordea lanean dabil, festa horietarako egokien ikusten dituzten jarduerak lotzen.
