Lehen Erregional mailan jokatuko du Antzuolak datorren denboraldian, mailaz jaitsi baitira Gorengoen mailatik; hala ere, ez dute ospakizunerako aukera galduko, AKE eguna ospatuko baitute ekainaren 1ean, zapatua.
Bazkari herrikoia izan ohi da ekintza jendetsuenetariko bat egun horretan, eta oraingoan ere horrela izango dela dirudi, azken 28 txartelak erosteko aukera izango baita egubakoitzean, 19:00etan, Kalebarrenean. Mugatua izango da, ordea, txartelen salmenta hori, pertsona bakoitzak gehienez ere bi erosi ahalko baititu, AKEko kideek azaldu dutenez.
Horrez gain, futbol partidak, poteoa eta elektrotxaranga izango dira egun osoan zehar futbolzaleen eguna ospatzeko.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
