Beste urte batez, Ez dot moztuko bizarra taldeak herri bazkaria antolatu du herriko jaietako domekarako. Uztailaren 16an izango da, 14:30ean, elizpean, eta dagoeneko salgai daude txartelak. Aitz Garbi tabernan eskuratu daitezke, eta uztailaren 12a, eguaztena, izango da horretarako azken eguna.
Sarrerakoak, entsalada, bertan egindako paella, postrea, ogia eta edaria izango dira jan eta edanerako, eta 20 euro balio du txartelak. Haurrek, berriz, 10 ordaindu beharko dute.
Bazkalostean, gainera, kontzertua izango da, Garazi Barrena eta Asier Sala musikari arrasatearrekin.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.