Herriko jaietako egubakoitzean, uztailaren 14an, egingo dira kuadrillen arteko jolasak. Zurrategi plazan izango da, arratsaldeko seietan, eta Antzuolako Udalak jakinarazi du dagoeneko izena emateko aukera dagoela.
Halere, bi baldintza bete beharko dituzte parte hartzaileek: DBH1etik gorakoek hartu dezakete parte, eta gehienez ere bost pertsonako taldeak izan behar dira. Irabazleek, berriz, 100 euroko saria eskuratuko dute.
Beraz, parte hartu nahi duenak, udaletxean edo liburutegian eman dezake izena, edo kultura@antzuola.eus helbidera mezu bat bidalita. Uztailaren 7a izango da horretarako azken eguna.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.