Hasieran liburu bat idazteko asmorik ez bazuen ere, 2009an hasi zen Patxi Olabarria herrikidea eta historia-zalea Antzuolako armarriaren gaineko ikerketarekin, handik kanoiak kentzeko eskaria iritsi zitzaionean Udalari. Horri esker, azaldu du armarria ez ezik Alardea ezagutzeko aukera izan duela. Bidean, hainbat lan ezagutu ditu, baina, batik bat, Rosa Ayerberena azpimarratu du.
Bada, urteetako lanaren ostean, Antzuolako armarriaren alardea liburua aurkeztuko du martxoaren 21ean, martitzena, 18:30ean, Torresoroa aretoan. Antzuola, Armarria eta Alardea atalak bildu ditu lanean. "Pentsatu izan da Alardeko mairuaren errepresentazioa dela armarriko errege presoa, baina kontrakoa da: armarriko errege kateatuaren imitazioz sortu zen Mairuaren Alardea".