500 euro inguru batu dituzte bigarren eskuko arropa azokan

Julen Iriondo M. de Zuazo 2022ko ira. 24a, 20:07

Andramanuelak emakume taldeak eta Anelkarrek antolatuta egin dute azoka, eta Onintza Legorburu –Andramanuelak– pozik agertu da emaitzarekin: "Bagenuen beldurra jendeak arropak eman bai baina erostera ez zela animatuko, baina ez!".

Goizean egon da mugimendu handiena, eta orduan saldu dute arropa gehien. Arratsaldean, azken orduan hasi da jendearen joan-etorria. Azoka girotzeko zuzeneko musika ere izan dute.

Azokan batutako dirua Anelkarrek dituen hiru proiektu bultzatzeko erabiliko da –Sahara, Kongo eta Senegalekoak–. Saldu ez diren arropak, berriz, beharra dutenen esku utziko dituztela adierazi dute.

Arropa salmentarekin batera, jostailu truke azoka ere egin dute Idolazen eskutik. Eta horrek ere arrakasta izan du: "Ume pila bat ibili dira. Batez ere, gurasoek eskertu dute ekimena, jostailu asko pilatzen dira-eta etxeetan".

Erlazionatuak

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak