Hitzaldia: "Jabetza pribatutik ezagutza kolektibora"

Jabetza pribatutik ezagutza kolektibora. Copyright, creative commons, domeinu publikoa. Zein da diferentzia? izeneko solasaldia izango da irailaren 28an, Torresoroan, 18:30ean.

Ion Lizarazu izango da dinamizatzailea: "Hitz potoloak izan ohi dira eta askotan nagia sortzen dute horiei buruz informazioa bilatzeak; bada, bide horretan laguntzeko asmoz antolatu dugu saio hau. Copyright, Creative Commons eta domeinu libreko lizentzien arteko desberdintasunak eta berezitasunak ezagutzen hasteko hitzaldi-tertulia izango da. Horretarako, gaian lanean diharduten lau lagun izango ditugu gonbidatu gisa: Iban Arantzabal Tokikometik, Aiora Mujika Euskarazko Wikipediatik, Iosu Isaias Mukuru kolektibotik eta Mikel Larreategi Sowtware Garatzaile eta Mapa libreen aditu bezala CodeSyntax-tik".