COVID-19ak eraginda Espainiako Gobernuak ostalaritza ixteko hartutako aginduak "sektorea egoera larrian" utzi duela dio Ostalaritza Aurrera Gipuzkoa plataformaren mozioak. Egoera honen aurrean, agintariek neurriak har ditzatela eta irtenbideak bila ditzatela exijitzen du plataformaren idatziak. Zehazki, bi eskaera aurkeztuko ditu plataformak hilaren 30eko ohiko osoko bilkuran. "Batetik, mozio honen bidez eskatzen dugu Gipuzkoako ostalaritzaren egoeraren berri ematea Eudeli, Foru Aldundiari, Legebiltzarrari eta Eusko Jaurlaritzari. Bestetik, aipatutako erakundeei eskatzea, martxoaren 14az geroztik ostalariok bizi dugun egoera ekonomikoari irtenbidea ematea, atzeraeraginarekin. Hau da, Gipuzkoako ostalaritzako autonomoei hileroko gutxieneko soldata aitortzea eskatzen dugu eta berori bideratzeko beharrezkoak diren izapideak burutzea, alegia", jasotzen du mozioak.
Ostalarientzako laguntzak
Herriko ostalari guztiek orain-dik dirulaguntzak jaso ez dituzten arren, laguntzak horiek ostalariengana iristeko dekretua sinatua duela dio alkateak, eta, beraz, tramitea eginda izanik, epe laburrean jasoko dutela. "Laguntzak bideratuta eta ebatsita daude. Bai konfinamendua hasi zenean Udalak onartutako laguntza zuzenak, eta baita ere COVID-19aren baitan egindako azpiegitura inbertsioetan laguntzeko Diputazioaren dirulaguntza dekretua", argitu du Beñardo Kortabarria alkateak.Aurten, gainera, Udalak terrazen tasak ez ditu kobratuko; eta hondakinen tasak %75eko ho-baria izango du.
