Pandemia betean ezegonkortasuna nagusi den honetan, Euskal Herriko Txirrindularitza Federazioak egutegia osatu du taldeek, behinik behin, antolatzeko aukera eta erreferentzia izan dezaten 2021ean. Hala, Antzuolako Aiastui taldeari dagokionez, bi lasterketa izango ditu jomugan 2021ean. Martxoaren 20an, junior mailako Uzarragako igoera; eta uztailaren 11n, Lehendakari txapelketako 23 urtez azpiko Iñaki Leteren oroimenezko lasterketa –herriko jai nagusiak egingo balira, aurreko asteburuan izango litzateke lasterketa–.
Eta Euskal Herriko Txirrindularitza Federazioaren egutegiak aurrera egingo balu, Lehendakari txapelketako lehen txirrindularitza proba izango litzateke. Uzarragari dagokionez, 60 kilometroko ibilbidearen ostean Uzarraga igo beharko dute junior mailako txirrindulariek. Iazko Uzarragako lasterketa kolokan egon zen arren, atzeratu eta irailean egin zen. Carbayeda izan zen irabazle