San Esteban krosa, 11:00etatik 19:00ak bitartean egingo da abenduaren 26an. Txandaka, erreleboka egingo dute herritarrek eta asmoa da etenik ez egotea. Ibilbidea iazko bera izango da eta batzen diren kilometroak, hala gura dutenek, Izan Bidea ekimenarendako izango dira. Udalak, herriko dendetan erosketak egiteko bonuak zozketatuko ditu korrikalarien artean. Izena emateko bidea zein izango den ondorengo egunetan jakinaraziko dute.
Egun osoan zehar eta txandaka herritarrek lasterka aritzea du aurtengo San Esteban krosak asmo. "Korrika ekimenaren gisara, lekukoarekin eta une oro herritarren bat lasterketa egotea da aurtengo krosaren helburua. Nahi duten herritarrek gainera, kilometro horiek Izan Bidea ekimenera bideratzeko aukera izango dute", azaldu du Beñardo Kortabarria alkateak.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak