Haizeteak kalte larririk eragin ez duen arren, teilaren bat edo beste eroan eta zuhaitzak bota ditu. Atzo arratsaldean argia joan zen Ondarre, Buztin Zuri, Herriko Plazan eta Errekalden, besteak besteak.
Gaur goizean Errekaldeko etxebizitzetan oraindik argi gabe zeuden eta Iberdrolak jardun du matxura konpontzen.
Zuhaitzen bat edo beste ere erori da, eta Autos Deskarga tailerreko teilatuan esaterako, zuloa egin du zuhaitz batek. Brigadako langileak txukuntze eta konpontze lanetan dihardute une honetan herriko kale eta auzoetan barrena.
Kalteen berri udaletxean
Antzuolako udalak ohartarazi du haizetearen ondorioz, urriaren 20 eta 21a bitartean kalteak jasan dituzten herritarrek horren berri eman dezaketela udaletxean. Jakinarazi du ere, eroritako zuhaitzak su-egurretarako banatuko dituela herritarren artean. Interesa duten antzuolarrek udaletxera jo dezakete eskaera egitera.