Hala, bi ongarri naturala oinarri dituen tratamendua probatuko dute. Ikerketa Gipuzkoako hainbat herritan egingo du Neiker zentroak, tartean Antzuolan, Foru Aldundiarekin elkarlanean. Helikoptero baten laguntzarekin botako dituzte ongarriak eta ongarri horien zeregina izango da pinuen berezko babes-mekanismoa piztu eta indartzea. Ikerketa berri honek abian jartzeko argi berdea jaso duen arren, eta aste honetan bertan Antzuolan botatzekoak diren arren, noiz botako duten zehatz esaterik ez dago. "Eguraldiaren menpe gaude ongarria botatzeko. Haizea badago helikopteroak ezin du lana ondo egin eta ongarria ezinda ondo bota. Euriarekin ere ez da eraginkorra", azaldu dute Neikerreko adituek.
Segurtasun osoz
"2019-2021 Plan Pilotua segurtasunik handieneko eta ingurunearekiko errespetuzko irizpideei jarraituz diseinatu da, bai pertsonei dagokienez, bai ingurumenari dagokionez, eta monitorizazio eta ebaluazio kontrolen plan anbiziotsu batekin osatzen da".