Eskolako patioa eta pilotalekua erabiltzeko irizpide berriak

Maider Arregi 2020ko uzt. 10a, 09:00

Koronabirusa dela-eta, Eusko Jaurlaritzatik eman dituzten aginduei jarraikiz, eskolako patioa zein udal pilotalekua erabiltzeko moduetan, Antzuolako Udalak aldaketak egin ditu. Hortaz, patioan kirola egiteko edo pilotalekua erabili ahal izateko, aurrez txanda hartu beharko da udaletxean 943 76 62 46 telefono zenbakira deituta.

Eskolako patioa

Gehienez, 30 pertsonak joka dezakete elkarrekin eskolako patioan; izan ere, kirol instalazioetan  %60ko edukiera bete behar da-eta.  Astean, asko jota, kirola egiteko bi erreserba egin ditzakete herritarrek eta egunero desinfekzio lanak egingo dituzte. "Eskolako patioa erabiltzen ari diren bitartean itxita egongo da; eta, noski, garbi utzi behar da; giltzak udaletxean jaso eta bueltatu egin beharko dira". Bestalde, kirola ez diren gainerako ekintzetarako patioa zabalik izango dute antzuolarrek egunero 18:00etatik 20:00etara bitartean. "Gogoratu umeak ez pilatzeko ardura gurasoena dela; hortaz, saiatu distantzia mantentzen, eta jakina, patioa garbi uzten. Zentzuz jokatzea eskatu gura diegu herritarrei", gaineratu dute udaletik.

Udal pilotalekua

Astean, gehienez, bi erreserba egin ahal izango dira eta erabiltzaileen kopurua gehienez lau lagunekoa izango da. Izen-abizenak eman behar dira udaletxean eta pilotalekua palan edo pilotan jokatzeko soilik erabili daiteke. "Erabiltzen ari den bitartean pilotalekua itxita egongo da eta giltzak udaletxean jaso daitezke. Gero bueltatu egin beharko dituzte, jakina. Sartzerakoan garbi egon behar du, eta ez balego, udaletxean eman behar da horren berri. Irteterakoan ere garbi utzi behar dute erabiltzaileek", argitu dute. Olalde pilota saileko kirolariek euren orduak dituzte entrenamenduak egin ahal izateko.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak