Landatxopek astelehenean irekiko ditu ateak

Landatxopeko Zuzendaritza Batzordeak  eta Udalak ekainaren 29an irekitzeko erabakia hartu dute. Osasun neurri guztiak bermatzea dela lehentasuna diote "Adinekoen osasuna zaintzea ezinbesteko da. Horregatik, irekierarako neurri zehatzak hartu ditugu", jakinarazi dute Landatxopetik.

Hauek dira hartu dituzten neurriak:

- Egoitza, astelehenetik ostiralera egongo da irekita, eta 15:30etik 18:30era.

- Terrazatik sartuko dira bazkideak, Eguneko Zentroarekin konpartitzen diren eremuak ekiditeko.

- Taberna, juntako kideek zerbitzatuko dute. Kontsumitzen dena ordaintzeko komeni da diru kopuru justua eramatea.

- Garbitasun eta segurtasun neurriak betetzeko, eskuak gelarekin garbitu beharko dira sarreran eta irteeran. Maskaratxoa erabili edo segurtasun-distantzia mantenduko dira.

- Ezingo da kartetan jokatu kutsatze-arriskurik ez izateko. Arrazoi berdinagatik, domeketako bingoa ere bertan-behera geratuko da.

- Podologia zerbitzua etxez-etxe eskainiko da alarma egoeran egin den bezala. Landatxoperen Juntako kideak izango dira eguneko arduradunak eta, astean zehar, ekintza alternatiboak antolatzen saiatuko dira bazkideentzat. Beste edozein xehetasun egoitzan emango da bertatik bertara.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.