2021ean Antzuolako jai eguna hautatzeko proposamena izan dute berbagai eta aho batez onartu dute udal batza osatzen duten hiru alderdiek proposamena. Hala, 2021eko uztailaren 16an izango da jai eguna Antzuolan. 2020ko herriko jai nagusiak nolakoak izango diren, ordea, bihar eguaztena erabakiko dute Jai Batzordeko kideek arratsaldean egingo duen batzarrean. Nolako udalekuak izango diren ere erabakiko dute.
COVID-19aren gaineko adierazpena
Bestetik, Beñardo Kortabarria alkateak jakinarazi du ekaineko osoko bilkuran izango dutela COVID-19aren gaineko adierazpen instituzional bateratua aztergai. "Aztertzeko denborarik ez dugu izan eta ekaineko osoko bilkurara eroango dugu onar dadin COVID-19aren gaineko adierazpen instituzional bateratua". Hurrengo osoko bilkura presentziala izango da eta ekainaren 30ean egingo da.