Antzuolako Udalak ondorengo neurriak hartu ditu:
- Udal-jabetzako eraikin gehienak ixtea: liburutegia, kultur etxea, Torresoroako aretoa, gaztetxokoa... eta normalean egiten diren ekintza guztiak bertan behera uztea, hala nola, yoga, luzaketak, ikastaroak, eskulanak, musika, euskara eskolak, dantza... Baita, programatutako ekitaldi denak.
- Futbol-zelaiko aktibitatea ere bertan behera, frontoia itxita, patioa bezala.
- Ostiraleko azokan datorren astetik aurrera janaria salduko da bakarrik, osasunarekin lotutako bestelako aldaketarik ezean.
- Udaletxeko batzordeak, momentuz, bertan behera gelditu dira. Aurrerako erabakiko da zer egin Osoko bilkurarekin.
Udaletxea, Eguneko Zentroa eta osasun zentroa zabalik egongo dira, hala ere, Udalak eskatu du zerbitzu horietara soilik "ezinbestekoa" den kasuetan joatea.
Azkenik, Beñardo Kortabarria alkateak nabarmendu nahi izan du "kontu serioa" dela, eta hori kontuan izanik, garrantzitsua dela "ematen diren aginduei kasu egitea", bereziki, jende-pilaketei eta garbitasun-neurriei dagokienez.
