Martitzen arratsaldean, Olaranen feminismoaz eta honen historiaz jardun zuten herritarrek. Emagin elkarteko Ekhiñe Eizagirre zarauztarrak abortuaz, dibortzio eskubideaz, antisorgailuen erabileraz eta egungo konstituzioaz hausnarrarazi zien bertaratutakoei.
Aldarrikapenerako deia
Emakumeen Nazioarteko Egunaren harira, hainbat ekintza antolatu dituzte. Hala, domekan, Martxoaren 8an, 10:00etan, haur eta gazteentzako tailerrak egongo dira Zurrategi plazan, Idolaz aisialdi taldeak antolatuta. Horrez gain, Olarango ekintza aretoan yoga eta luzaketak egiteko aukera izango dute herritarrek. 12:00etan, elkarretaratzea egingo da plazan, eta 14:00etan, ema-kumeen bazkaria, bakoitzak bere jatekoa eramanda. Erradikalak ginen ikuskizuna ikusteko aukera ere egongo da, martxoaren 14an, 19:00etan, Torre-soroan. Andramanuela Emakume taldeak ekintzetan parte hartzeko dei egin du.
