Martxoaren 8ko egitaraua
Martxoaren 8an, domekan, 10:00etan, haur eta gazteentzako tailerrak egongo dira Zurrategin, Idozalek antolatuta. Horrez gain, Olarango ekintza aretoan, yoga eta luzaketak egiteko aukera izango da. 12:00etan elkarretaratzea egingo da plazan eta 14:00etan, leku berean, emakumeen bazkaria egingo da, bakoitzak bere jatekoa eta mahai tresnak eramanda.
Horrez gain, eta Martxoaren 8aren bueltan antolatutako azken ekintza gisa, Erradikalak ginen ikuskizuna ikusteko aukera egongo da, martxoaren 14ean, 19:00etan, Torresoroan.
