Hala, Santa Ageda bezperako ohiturari eutsiz, arratsaldeko seiak eta erdietan Herriko Plazatik abiatuko dira Anelkar, abesbatza eta herriko txistulari taldea kantuan egitera. Herritar oro noski, gonbidatuta dago parte hartzera.
Kongo eta Senegalera laguntza
Anelkarrek, hezkuntzan du jarrita proiektuaren ahalegin handiena."Geure proiektu nagusia hango hezkuntza da. Maisuei laguntza eman gura diegu. Izan ere, bailaran 60 maisu daude eta Gobernuak hogei irakasle ingururi soilik ordaintzen die soldata. Gure proiektuko diru eta ahalegin gehiena hango maisuei laguntzeko izaten da", azaldu zuen joan den maiatzean Kongon izan zen Bittor Arbuluk. Orain urte batzuk, baina, beste erronka bati heldu zioten: bailarako herriak urez hornitzea. "Bailarako ur-sarearen proiektua amaituta dago eta herri guztietan dago gaur egun ur-putzu bat".
