"Saioa polita izan da eta Kanadan kokatutako irudi ikusgarriak ikusteko ere aukera izan dugu. Ia hemen falta den elurra ikusteko aukera ere izan dugu behintzat!", azaldu dute umorez ikusleek.
Eta bihar, eguena, Silvia Trigueros mendi korrikalariak bere bizipenak kontatuko ditu. Italiako Aosta bailaran egindako proba gogorraz jardungo du. 24.000 metro positiboko altuera eta 330 kilometro dituen proba da. Ikus-entzunezkoa eta hitzaldia, martxoaren 28an, Olaranen, 18:30ean.
Eta martxoaren 31n, auzolana deitu du Arrolak. Trekutzeko aisialdi gunea txukuntzera joateko deia egin diete herritarrei. 09:00etan Olaran etxe aurretik abiatuko dira.