Antzuolako emakume talde feministak, Andramanuelak, urtebete daramatza emakumeen ahalduntzearen alde lanean eta indarkeria matxista salatzen. Atzo, indarkeria matxistaren aurka protesta egiteko batu ziren antzuolarrak Herriko Plazan eta talde feministaren eskutik ekitaldi hunkigarria egin zuten. "Aulki huts bakoitzean arropak jarri genituen. Izan ere, elkarretaratzearen ostean emakume bakoitzaren istorioa irakurri genuen", azaldu dute Andramanuelak taldeko kideek.