San Martzial jaiak ospatuko dira asteburuan

 Ekintzaz gainezka datoz aurten ere San Martzial jaiak. Zapatuan emango zaie hasiera jaiei etxafuego jaurtiketarekin eta domekara arte festa giroa izango da nagusi Lizarraga auzoan.

Zapatuan, 11:30ean, meza eta ostean, gazta eta ardoa banatuko dituzte denendako. Ondoren, herriko trikitilari gazteen emanaldiak girotuko du eguerdi partea.
Gaztetxoek gozatzeko aukera ere izango dute: 17:00etan, umeendako jolasak izango baitira Idolazen eskutik; baita txokolatada ere. 20:00etan, herriko trikitilarien txanda izango da. Herri afariaren ostean, suzko erroberak eta izozkia ez dira faltako zapatua borobiltzeko. Domekan, 11:30ean, San Martzialera igoera egingo dute txirrindulari gaztetxoek. 12:00etan meza eta ondoren salda –luntxa erretiratuendako soilik–. 13:00etan, sari banaketa egingo dute eta ondoren Oinarin taldearen saioa.
14:00etan, herri bazkaria eta erromeria Agurtzane eta Ion Elustondorekin. Festa Iluntzera arte luzatuko da.

Egitarau osorik hemen.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.